Varikoz əməliyyatları – Varikoz damarların müalicəsində operativ metodlar

Varikoz əməliyyatları – hansı operativ müalicə üsulları vardır?

Varikoz əməliyyatları bir necə növə bölünür. Ayaqlardakı varikoz damarların bir neçə müxtəlif növ cərrahi müalicəsi vardır. Bunlar:

• Açıq klassik Flebektomiya;
• Miniflebektomiya;
• Endovasal Lazer Ablasiyası;
• Radio Ablasiyası;
• Strippinq;
• Kompleks flebektomiya.

Bu cərrahi müdaxilə üsullarından hər biri müsbət və mənfi cəhətlərə malikdir.

• Klassik Flebektomiya – ümumi anesteziya altında varikoz damarların çıxarılmasıdır (təyin edilmiş nahiyədə kiçik bir kəsik meydana gətirilir və patoloji olaraq genişlənmiş damar çıxarılır). Müasir dövrdə bu cür cərrahi müalicə taktikası tədricən arxa planda qalmışdır. Klassik Flebektomiya əməliyyatı olduqca uzun müddətə bərpa edilən, həmçinin əməliyyatdan sonrakı dövrdə daha çox fəsadların yaranma riski olan bir əməliyyat texnikasıdır. Miniflebektomiya ilə varikoz damarlarının çıxarılması zamanı ayaq hissəsində bir neçə kiçik punksiya edilir. Klassik üsuladan fərqli olaraq, Miniflebektomiya daha tez-tez istifadə edilir, ümumi anesteziya tələb etmir və klassik Flebektomiya əməliyyatından daha qısa bir reabilitasiya dövrü vardır.

• Ən etibarlı və effektiv metod varikoz damarlarının Endovasal Lazer Ablasiyasıdır. Bu prosedur lokal anesteziya altında aparılır, ən qısa reabilitasiya dövrü var (əməliyyatdan sonra pasiyent dərhal hərəkət edir) və dəri üzərində yara izi buraxmır.
• Radio Ablasiyası Endovasal Lazer Ablasiyasına bənzər bir üsuldur, istilik enerjisinin venoz divar üzərində təsiri əsasında həyata keçirilir. Endovasal Lazer Ablasiyası kimi Radio Ablasiyası da lokal anesteziya altında həyata keçirilir və yara izləri buraxmır. Bu iki üsul arasındakı fərq termik təsir rejimi ilə bağlıdır.
• Strippiniq dəyişikliklərə məruz qalan damarların fərdi bölmələrinin çıxarılmasıdır. Müəyyən olunan nahiyədə qapaq aparatı çatışmazlığı olan damarın genişlənmiş hissəsi qan damar sistemindən çıxarılır.

• Kompleks Flebektomiya – eyni zamanda varikoz damarlarının müalicəsinin bir neçə metodunu özündə birləşdirə bilər (məsələn Endovasal Lazer Ablasiyası və Miniflebektomiya).

Yuxarıda göstərilən varikoz əməliyyatların (cərrahi prosedurların) hamısı qan axını sistemindən patoloji olaraq genişlənmiş damarları aradan qaldırmaq üçün həyata keçirilir. Cərrah-fleboloq varikoz damarlarının inkişaf səviyyəsinə görə hər bir pasiyent üçün fərdi olaraq müalicə taktikasını seçir.