Niyə yaşlı insanlar varikoz damarlarından daha çox əziyyət çəkirlər?

Yaşlılarda varikoz niyə əmələ gəlir? Çox tez-tez ayaqlarda varikoz damarlarından danışarkən, yaşlı insanlar yada düşür. Bu stereotip təsadüf deyil. Varikoz damarlarından əziyyət çəkən pasiyentlərin əksəriyyəti 60 yaşdan yuxarı yaş kateqoriyasındadır.

Yaşlılarda varikoz xəstəliyinin yaranma səbəbi nədir?

Yaşlılarda artrit, qan təzyiqi, şəkər xəstəliyi, ürək çatışmazlığı və s. kimi xəstəliklərə rast gəlinir. Bu xroniki xəstəliklər varikoz damarlarının inkişafı üçün əsas səbəb ola bilər və ya inkişaf etmiş varikoz damarlarını ağırlaşdıran faktorlardan biridirlər. Varikoz xəstəliyi qan damarlarının genişlənilməsidir. Yaşa görə damar divarının elastikliyi və əzələ qatında kollagenlər azalır. Erkən yaşda xəstəliyin ilkin əlamətləri ortaya çıxarsa, hər sonrakı illərdə xəstəlik yalnız inkişaf edir. Buna görə də, aşağı ətraf damarlarının vəziyyətinə daim nəzarət edilməli və profilaktik məqsədlər üçün hər altı aydan bir fleboloqa müraciət olunmalıdır.

50 yaşdan yuxarı insanlara ayaqların varikoz damarları üçün müalicə təyin edilməzdən əvvəl, fleboloq əlavə test üsulları tövsiyə edə bilər. Çox vaxt EKQ və ya EXO tələb olunur (bu üsullar ürək-damar sisteminin vəziyyətini qiymətləndirməyə imkan verir). Bir neçə xəstəliyin varlığı varikozun müalicəsini çətinləşdirir. Məsələn, ürək çatışmazlığı varsa, Endovasal Lazer Ablasiyası və ya Miniflebektomiya keçirmək olmaz. Bu üsullar əlçatmaz olduqda, varikoz damarların müalicəsində üstünlük təhlükəsiz üsullara verilir. Yaşlı insanlar daha çox varikoz damarlarının genişlənməsi xəstəliyinin ağır fəsadlarından əziyyət çəkirlər. Məsələn, varikoz damarların trofik yaralarını yaşlı insanlarda müalicə etmək daha çətindir. Pasiyentdə diabet kimi xəstəliklər varsa, dəridəki trofik dəyişikliklərin müalicəsi dəfələrlə mürəkkəbləşir. Buradan belə aydın olur ki, ayaqların varikoz genişlənmiş damarlarını erkən mərhələlərdə müalicə etmək daha effektivdir.